By CDM activist Matu BLT

ကျွန်​တော်တို့ကြီးထွားလာဖို့လိုပါတယ်…လူသားများပဲဖြစ်ဖြစ်၊ တိရိစ္ဆာန်​တွေပဲဖြစ်ဖြစ် ​မွေးဖွားပြီးရင် ပုံမှန်အတိုင် ကြီးထွားလာကြဖို့လိုပါတယ်။အသက်အရွယ်လိုက်ပြီး ရှိသင့်တဲ့ ကိုယ်ခန္ဓါ အရွယ်အစား၊ အသိဥာဏ်နဲ့ တုန့်ပြန်မှု​တွေရှိလာဖို့ လိုအပ်ပါတယ်။

လက်ရှိ မအလ အာဏာသိမ်းဒါ (၈၇) ရက်ရှိပါပြီ၊ အ​ခြေအ​နေမျိုးစုံ၊ ရက်စက်မှုမျိုးစုံကြားက​နေ ပြည်သူ​လူထုတော်​တော်များများ ရင့်ကျက်ကြီးထွားလာကြပါတယ်။ ဥပမာအ​နေနဲ့​ပြောရရင် CDM ကို ၁-၂-၂၁ အာဏာသိမ်းဒါနဲ့ Red Ribbon campaign ​တွေကို ဌာနဆိုင်ရာ အသီးသီးမှာ လုပ်​ဆောင်ခဲ့ကြတယ်၊ အဲ့ဒီက​နေ ပိုမြင့်မာတဲ့ level ဖြစ်တဲ့ CDM ကို​ဆောင်ရွက်ကြရဒါဖြစ်ပါတယ်။

လစာမရဒါ ၃ လပြည့်လာသည့်တိုင် နိုင်ငံရဲ့အ​ခြေအ​နေ လိုချင်တဲ့အ​ပြောင်းအလဲ မဖြစ်​သေးတဲ့အတွက် လစာအရမ်းလိုအပ်​နေသည့်ကြားက မိမိအ​နေဖြင့် ဘာ​ဆောင်ရွက်​ပေးနိုင်မလဲ ဘာလုပ်​ပေးနိုင်မလဲဆိုတဲ့ စိတ်ဓါတ်နဲ့ အဆင်သင့်ရှိ​နေကြဒါ တကယ် ရင့်ကျက် ကြီးထွားလာမှုဖြစ်ပါတယ်။ ဒါ​ပေမယ့်တစ်ချို့​သောသူ​တွေ မကြီးထွားမရင့်ကျက်လာတဲ့အပြင် ပိုနုနယ်သွားချင်​နေတယ် ၊ ​ပြောရရင် ကိုယ်ဘက်က ဘာလုပ်​ပေးနိုင်မလဲဆိုဒါ မစဥ်းစားပဲ သူများ​တွေ ရုံးပြန်တက်​နေကြပြီလား၊ ရုံးကဖုန်းဆက်​ခေါ်​နေဒါ တက်လိုက်ရင်​ကောင်းမလား၊ လစာကဘယ်​တော့ရမှာလဲ စတဲ့ စိတ်​တွေနဲ့ပဲ ရှင်သန်​နေဒါ​တွေ့​နေရပါတယ်။ ဒါဟာ ရင့်ကျက်ကြီးထွားမှုမရှိ့​သေးတဲ့ စိတ်ဓါတ်လို့​ပြောချင်ပါတယ်။ ​

နောက် ဝန်ကြီးဌာန​တွေထဲမှာဆိုရင် ဥပမာအ​နေဖြင့် ပညာ​ရေးဝန်ကြီးဌာန၊ အမှန်တကယ် CDM လုပ်နေတဲ့ ဆရာ/မ ​တွေကို မ​ပြောလိုပါဘူး၊ တစ်ချို့ သော ဆရာ/မ​တွေ အစကတည်းက​နေကို CDM မလုပ်ပါဘူး ။ မျက်နှာ​ပြောင်နဲ့ ​ရုံးတက်/​ကျောင်းသွားကြပါတယ်။ ဒီလိုလူ​တွေကတော့ လူသားစိတ်မရှိသူ​တွေပါ။ ​

နောက် CDM ​တော့လုပ်တယ် သင်တန်းတက်/ရာထူးတိုးဖို့​ခေါ်​တော့ အ​ပြေးက​လေးသွားကြပါတယ် ဒီလိုလူက​တော့ အခွင့်အ​ရေးသမား​တွေဖြစ်ပါတယ်။ CDM လည်းလုပ်တယ်၊ ရာထူးတိုး/သင်တန်းမတက်ဘူး ဒါ​ပေမယ် ​ကျောင်း​တွေဖွင့်မယ်ဆိုရင် သွားမယ်ဆိုတဲ့ မရင့်ကျက်နိုင်တဲ့သူ​တွေ ရှိ​နေပါတယ်။

တကယ့် CDM အမာခံ​တွေဟာ ​နောက်​ကြောင်းပြန်လှည့်မယ့်စိတ်/ခံယူချက် မရှိဘူး၊ ​ရှေ့တိုးဖို့ဘဲ ​တွေး​ခေါ်စဥ်းစား​နေပါတယ်။ ပြည်သူ​တွေ ​သေဆုံးဒါ (တိုင်းရင်းသား လက်နက်ကိုင်များမပါ) ၈၀၀ ဝန်းကျင်ရှိ​နေပြီး မတရားဖမ်းဆီးခံ ၃၀၀၀ ​ကျော်ရှိ​နေပါတယ်။ ဒါ​တွေဟာ အိမ်မက်မဟုတ်ပါဘူး လက်ရှိတကယ်ဖြစ်​နေဒါပါ။ ဒါ​ကြောင့် ကျွန်​တော်တို့အားလုံး ရင့်ကျက်ကြီးထွားကြပါစို့၊ ရပ်မ​နေကြပါနဲ့၊ အနည်းဆုံး​တော့ ​ရွေ့​နေကြပါ။ လူတိုင်း အခက်အခဲကိုယ်စီရှိ​နေကြပါတယ်။ ဒါ​ပေမယ့် ပန်းတိုင်ကို ကျွန်​တော်တို့​တွေကိုယ်တိုင်ရယူ ကြရမှာဖြစ်ပါတယ်။

61You, Buh Joses LungCim, Esther Angel Laithang and 58 others10 Comments5 SharesLikeCommentShare

Filed under: 1 General News, 2 Burma News |