Pathen mingneh natui sa boehding ucoi ni tila ngaiuep doeah greeting kansai uh. Hninhang kah olthang boeih naming uh tangtae bangla, Kol ram kah President Thein Sein Norway ah hampha vaeng kah olthang bet yaaksak ham kangaih.

U Thein Sein he Europe khuiah visit la halo nakawng tah, Norway kah Prime Minister Jen Stoltenberg loh hnuukkum kol ram la aleng vaengah invite asai dongah halo la om tih, Norway loh Kolram kah laebar US dollars $534 millions ayoe la apaek dongah, uemcil thuiham khaw hampha la om. Norway he luhma pacuek la visit asai la om. U Thein Sein kah EU tour program tah,Norway, Finland, Austria, Belgium and Italy he rhoek kho boeih he ahil ni.

Norway khonoek 16.30 February 26.2013 vaengah, anih a pahnah im, “Hotel Continental” hmaiah Kachin neh Kayin ayet ngaih loh sandah pyah nah a khueh uh. Ai mih rhoek he solidarity tueng sak hamla angaih u tih, thlangmi ayet nahamla aimih taengah kilhkalh ca kapai puei u van.

Thlaemben khonoek 18:00 veng angawn tah, Norway Prime Minister Jen Stoltenberg neh government kah State dinner party la kacaet uh. Norway khui kah a kaom kol rhoek activists cana ngawn tah thlang pa 4 bueng ni kahmuh (Khin Maung Win – Democratic Voice of Burma representative; Yin Htwe Soe – Vice chairman of Democratic Party for a New Society; Tun Tun Aung – ABSDF; Jonathan Thang – Matu Burma Foundation), Kol ben lamkah, President Thein Sein neh rhen a ka phuei u rhoek Ministers neh bodyguard rhoek bueng ni. Norwegian ministers kakai rhoek ngawn tah 50 tluk lo mai ni.

MBF paihmuen lam kaloh rhen kapuei u rhoek tah (U Soe Thein – Chairman of Myanmar Investment Commission/ President’s Office Minister ; Thant Kyaw – Deputy Minister of Foreign Affairs; Dr. Thein Thein Htay- Deputy Minister of Health; Thurain Thant Zin-Director General of Protocol Department) rhoek neh voekthlaak naa uthae, thuikhan naa uthae kakhueh u tih, kolram kah political issues, Chin neh Matu kah akawng alam te dawtleet nah neh olthuinah kakhueh uh. (discussion ka sai cana uh boeihboeih te, hmaiben ah Global Matu Organization acak la apaithai phoeiah thuihmaih hamla kamthlah nah kakueh. A ngen ngawn tah naming u ngawn coeng dae atip ngaila koep kanyaak sak uh bit ni.

President Thein Sien he, greeting bueng ni kasai thaila a om dongah, documents cana te paek vaengah, U Aung Min taengah a phaham koila anih kah personal assistant te patoeng paek sak ti la om. MBF loh documents total 12 pages boeihte submit na ka khueh khuiah, 3 pages te ngawn tah Mah Matu kah ca, ol neh tuuk kai la a kaom rhoek Dr. John Smith Thang neh Samuel loh hmaih adaek rhoi cana te “Matu Language” issue khui ah pa van. Atloe mingham koi cana ngawn tah, hmai ben atue atang a pha vaengah koep kanyaak sak uh bit ni. Interim Global Matu Organization ham , political organization ready coeng atah U Aung Min group neh hmuhtun voekthlaak ham arrangement kasa thai ni. Aimih benlam kaloh contact sai nathaiham la address card cana boeih hanpaek tih, hmuhtun uthae nathaiham welcome ti la Deputy Foreign Minister rhoek loh oltloeknah kakhueh uh.

February 27,2013 atue khonoek 16.30 vaengah tah, Oslo Literature House ah, President mah loh kol activists rhoekham speech minutes 20 tluk olthuinah akhueh tih, athui boeih neh meeting lam loh ah mah bueng ni ah saeh tak la om. A tloe ministers nar bueng long ni “Short-interrogation/question and answer raising” saithainah a khueh. Te khaw U Soe Thein loh, kol ram development nah akawng alam cana te, moeh athui la om tih,“interrogation” period he 30 minutes bueng khui ani a khueh thai. Te veng ah Pa Lian Thang loh MBF kah documents rhoek te official la, U Soe Thein neh ministers nar taengah koep submit la om tih, Pa Tin Aung loh a bih natah! Matu ram kah ThingLamTung te koep saiham neh compensation bih nah te asai la om.

State dinner party lam kaloh mingham koi la a kaom informations:

Norway Prime Minister loh athui naah tah, Kum 1700 san veng lam kah Norway loh kol ram kah rice and timber te import asai la om tih, General Aung San neh 30 comrade rhoek Japan ah military training akai nathaiham te khaw Norwegian ship long ni aphueih phai tila thuii. Kol ram khuikah laiba cana te khaw boeih aphae patih, development aids cana te moeh apaek la om. Kolram kah the 4th creditor la Norway loh ah pain a om. Tecoeng balah bal ah Hydro energy sector ah cooperation sai hamkoi cana thuikhan nah akhueh.

Tahae kah rhoek boeih he mah Matu boeih loh ming thaiham koi informations la om. Mah Matu thlangphun buengloh mingnah thaiham, ahuep la mah Matu ming a kayoi rhoek loh aming pat nathaiham, a tloe informations boeihboeih te hmaiben atue atang a pha vaengah naming naa u thaihamla report koep kanpaek u bit ni ti la yaaksak naneh cadaek kabawt sak..

Filed under: 1 General News, 6 Matu Olthang |